អំណាន៖ទម្លាប់ទី២៖ ចាប់ផ្តើមដោយមានការបញ្ចប់ក្នុងចិត្ត (១៥ នាទី)

អ្នកអាចរំឮកពីទិដ្ឋភាពទូទៅសម្រាប់វគ្គសិក្សាខ្លីនេះដែលទម្លាប់បីដំបូងមានទំនាក់ទំនងគ្នាជាមួយអ្វីដែលConveyហៅថា ជោគជ័យឯកជន - ភាពជាអ្នកដឹកនាំផ្ទាល់ខ្លួនដែលអ្នកអាចឈ្វេងយល់៖

• អ្វីដែលអ្នកចង់សម្រេចបានក្នុងជីវិត
• ចំនុចស្នូលរបស់អ្នក
• ការធ្វើការងារតិចក្នុងស្ថានភាពមានវិបត្តិ
• ការបង្កើតរូបភាពលទ្ធផលដែលអ្នកចង់សម្រេចបាន

លោក Covey ប្រើឧទាហរណ៍នៃការកសាងផ្ទះដើម្បីបង្ហាញពីចំណុចនេះ។ ដំបូងអ្នកត្រូវគិតអំពីផ្ទះប្រភេទណាដែលអ្នកចង់បានហើយបន្ទាប់មកត្រូវរៀបចំផែនការសម្រាប់ផ្ទះមុនពេលចាប់ផ្តើមការសាងសង់។
ទម្លាប់ ២ ស្នើឱ្យអ្នកចាប់ផ្តើមជាមួយនឹងលទ្ធផលច្បាស់លាស់នៅក្នុងចិត្ត។ លោក Covey ផ្តល់ជាយោបល់ថាយើងអាចប្រើការស្រមើលស្រមៃរបស់យើងដើម្បីបង្ហាញពីអ្វីដែលយើងចង់ក្លាយទៅជា និងប្រើមនសិការរបស់យើងដើម្បីសម្រេចចិត្តថាតើគុណតម្លៃណាខ្លះដែលនឹងណែនាំយើង។ យើងភាគច្រើនងាយស្រួលក្នុងការធ្វើឱ្យខ្លួនយើងរវល់។
យើងខិតខំធ្វើការដើម្បីទទួលបានជ័យជំនៈ-ការឡើងតំណែង ប្រាក់ចំណូលខ្ពស់ ការទទួលស្គាល់កាន់តែច្រើន- ប៉ុន្តែយើងជារឿយៗមិនបានឈប់ ដើម្បីវាយតម្លៃអត្ថន័យនៅពីខាងក្រោយនៃជ័យជំនៈទាំងនេះទេ។ យើងមិនបានសួរខ្លួនឯងថាតើរឿងរ៉ាវទាំងនេះដែលយើងផ្តោតលើគឺជាអ្វីដែលពិតជាសំខាន់សម្រាប់យើងដែរឬយ៉ាងណា។
ទម្លាប់ទី២ស្នើឱ្យថា ក្នុងរឿងគ្រប់យ៉ាងយើងធ្វើ យើងគួរចាប់ផ្តើមដោយមានការបញ្ចប់ក្នុងចិត្ត។ យើងគួរចាប់ផ្តើម ជាមួយគោលដៅចុងក្រោយច្បាស់លាស់ក្នុងចិត្ត។ របៀបនោះ យើងអាចប្រាកដថាជំហានទាំងឡាយដែលយើងកំពុងអនុវត្តន៍ស្ថិតក្នុងទិសដៅត្រឹមត្រូវ។

«វាពិតជាងាយស្រួលណាស់ក្នុងការជាប់អន្ទាក់សកម្មភាពនិងភាពមមាញឹកក្នុងជីវិតដើម្បីខិតខំប្រឹងប្រែងក្នុងការឡើងជណ្តើរនៃភាពជោគជ័យដោយគ្រាន់តែដើម្បីរកឱ្យឃើញថាវាទ្រេតទៅនឹងជញ្ជាំងមិនត្រឹមត្រូវ។

» - Stephen Covey

ការធ្វើផែនការភាពជាអ្នកដឹកនាំផ្ទាល់ខ្លួនត្រូវចាប់ផ្តើមជាមួយការវាយតម្លៃដោយស្មោះត្រង់របស់ខ្លួនអ្នក និង គុណតម្លៃរបស់អ្នក។ ប្រសិនបើអ្នកមិនបានខិតខំប្រកបដោយមនសិការដើម្បីបង្ហាញឱ្យឃើញថាអ្នកជាអ្នកណា និងអ្វីដែលអ្នកចង់បានក្នុងជីវិត នោះអ្នកនឹងអាចឱ្យអ្នកដទៃ និងកាលៈទេសៈរៀបចំជីវិតអ្នកដោយស្វ័យប្រវត្តិ។
លោក Convey បានបញ្ជាក់ថាការស្គាល់ខ្លួនឯងរបស់យើងម្នាក់ៗពង្រឹងយើងដើម្បីរៀបចំជីវិតរបស់យើងម្នាក់ៗ ដែលជំនួសឱ្យការរស់នៅដោយផ្នែកលើស្តង់ដារ ឬពេញចិត្តរបស់អ្នកដទៃ។ ក្នុងនាមជាអ្នកដឹកនាំម្នាក់គឺសំដៅលើការរៀបចំទស្សនៈវិស័យបែបយុទ្ធសាស្ត្របានត្រឹមត្រូវសម្រាប់ស្ថាប័ន និងការសួរថា «តើអ្វីដែលយើងកំពុងព្យាយាមសម្រេចឱ្យបាន?» ហើយសូម្បីតែមុនអ្នកបង្កើតគោលដៅទាំងនោះ អ្នកត្រូវតែច្បាស់លាស់ពីគុណតម្លៃរបស់អ្នក។ តើនោះជាអ្វីដែលអ្នកឱ្យតម្លៃបំផុតមែនទេ? តើអ្វីខ្លះជាគុណតម្លៃស្នូលរបស់អ្នក? ចំណេះដឹងនេះនឹងផ្តល់ឱ្យយើងនូវការណែនាំដែលយើងត្រូវការបន្ស៊ីអាកប្បកិរិយារបស់យើងជាមួយជំនឿ និងគុណតម្លៃផ្សេងៗរបស់យើង។

វីដេអូ៖ ទិដ្ឋភាពទូទៅទម្លាប់ទី២ (៥នាទី)

ចូរទស្សនាវីដេអូខ្លីមួយទៀត ដែលរៀបរាប់ដោយ បណ្ឌិត Ann Downer ស្តីពីទម្លាប់ទី២ ចាប់ផ្តើមមានការបញ្ចប់នៅក្នុងចិត្ត ។
ចូរចងចាំថា ក្នុងទម្លាប់ទី១ យើងត្រូវបានសួរថាដើម្បីឱ្យយលដឹងបានកាន់តែច្រើនពីទំនោរដោយមិនដឹងខ្លួន របស់យើងដោយមានប្រតិកម្មតប ជំនួសឱ្យមានសកម្មនិយម។ ក្នុងទម្លាប់ទី២ យើងប្រើប្រាស់ការច្នៃប្រឌិត និងការស្រមើស្រមៃរបស់យើង ដើម្បីបង្កើតលទ្ធភាពសម្រាប់ខ្លួនរបស់យើង និងអ្នកដទៃដែលត្រូវគ្នាជាមួយគុណតម្លៃដ៏ជ្រាលជ្រៅរបស់ខ្លួនយើងផ្ទាល់។ ដើម្បី«ចាប់ផ្តើមដោយការបញ្ចប់ក្នុងចិត្ត» សំដៅទៅចាប់ផ្តើមថ្ងៃនីមួយៗ កិច្ចការនីមួយៗ គម្រោងនីមួយៗ ជាមួយទស្សនៈវិស័យច្បាស់លាស់នៃទិសដៅនិងគោលដៅចុងក្រោយដែលចង់បាន ហើយបន្ទាប់មកត្រូវសកម្មនិយម ក្នុងការធ្វើវាឱ្យកើតឡើង។
ក្នុងវីដេអូនេះ បណ្ឌិត Ann ពិភាក្សាពីសារៈសំខាន់នៃការឆ្លុះបញ្ចាំង លើ និងការកសាងមូលដ្ឋានភាពជាអ្នកដឹកនាំរបស់យើងចំពោះគុណតម្លៃស្នូលរបស់យើង។ គាត់បញ្ជាក់ពីសេចក្តីត្រូវការដើម្បីអភិវឌ្ឍន៍ទស្សនៈវិស័យអ្វីមួយដែលយើងចង់សម្រេចឱ្យបាននៅក្នុងជីវិត និងសេចក្តីថ្លែងបេសកកម្ម ដែលយើងប្រើរាល់ថ្ងៃដើម្បីនាំយើងឆ្ពោះទៅរកទស្សនៈវិស័យរបស់យើង។
ប្រសិនបើអ្នកមានបញ្ហាការទស្សនាមេរៀនបណ្តាលមកពីតំណភ្ជាប់អ៊ិនធើណេតយឺត សូមព្យាយាមទាញយកការបង្រៀន ឬបទបង្ហាញ។ ដោយចុចតំណភ្ជាប់នៅផ្នែកខាងស្តាំ និងជ្រើសរើស

Download (16MB)

Slides (pdf)

Audio (mp3)

ចូរពិចារណាពីការប្រឈមខ្លួនអ្នកទៅនឹងការសាកល្បងគោលការណ៍ នៃ ការចាប់ផ្តើមដោយមានការបញ្ចប់ក្នុងចិត្ត ដោយគិតអំពីសំណួរខាងក្រោម។
1. ចូរស្រមៃយ៉ាងលម្អិតដល់ការប្រារព្ធថ្ងៃខួបកំណើតទី៨០ ទី៩០ ឬក៏ទី១០០របស់អ្នក។ តើមានអ្នកណាខ្លះនៅទីនោះ? តើអ្វីដែលពួកគេកំពុងនិយាយអំពីអ្នក អំពីរបៀបដែលអ្នករស់នៅក្នុងជីវិតរបស់អ្នក? អំពីទំនាក់ទនងដែលអ្នកមានជាមួយអ្នកដទៃ?
2. តើអ្វីខ្លះជាគុណតម្លៃស្នូលដែលមានឥទ្ធិពលដល់ជីវិតរបស់អ្នក?
3. សូមគិតពីបច្ចុប្បន្នផងដែរ។ អ្វីខ្លះជាតួនាទីផ្សេងៗក្នុងជីវិតរបស់អ្នក - វិជ្ជាជីវៈរបស់អ្នក តួនាទីសហគមន៍ និងផ្ទាល់ខ្លួនរបស់អ្នក។ តើអ្វីជាគោលដៅផ្សេងៗដែលអ្នកចង់សម្រេចឱ្យបានក្នុងតួនាទីទាំងនោះ?

វីដេអូ៖ គុណតម្លៃស្នូល (១នាទី និង៣នាទី)

ចូរទស្សនាវីដេអូ ភាពជាអ្នកដឹកនាំរៀងរាល់ថ្ងៃ ដូចខាងក្រោម ដែលគេហៅថា គុណតម្លៃស្នូល ជាមួយ Bertha Katjivena (ណាមីបៀ)។ វីដេអូនេះពិភាក្សាគុណតម្លៃស្នូលជាគោលការណ៍ណែនាំដែលនិយាយពី អាកប្បកិរិយា និងសកម្មភាព។ គុណតម្លៃស្នូលអាចជួយមនុស្សឱ្យស្គាលអ្វីខុស អ្វីត្រូវសម្រាប់ពួកគេ។ គុណតម្លៃស្នូលអាចជួយក្រុមកំណត់ផងដែរថាតើពួកគេស្ថិតនៅលើផ្លូវត្រឹមត្រូវ និងបំពេញគោលបំណងរបស់គេតាមរបៀបដែលពួកគេនឹងមានអារម្មណ៍ថាល្អនៅពេលក្រោយឬទេ។

Video (17 MB) Audio (1.3 MB) Transcript (PDF)

ឥឡូវនេះចូរទស្សនាវីដេអូ ភាពជាអ្នកដឹកនាំរៀងរាល់ថ្ងៃ ដូចខាងក្រោមដែលមានចំណងជើងថា ការលើកទឹកចិត្តខ្លួនឯងជាមួយទស្សនៈវិស័យ ជាមួយ Kassahun Desalegn (អេថ្យូពី). វីដេអូនេះពិភាក្សាពីសារៈសំខាន់នៃការលើកទឹកចិត្តពីខាងក្នុង និង ទស្សនៈវិស័យរយៈពេលវែង។ បន្ទាប់ពីទស្សនាវីដេអូ ចូរឆ្លុះបញ្ចាំងលើសំណួរដូចខាងក្រោម៖
• តើអ្នកយល់ស្របជាមួយបណ្ឌិត Kassahun ឬទេ? ហេតុអ្វីយល់ស្រប ឬហេតុអ្វីមិនយល់ស្រប?
• តើអ្នកអាចគិតបទពិសោធន៍មួយដែលទស្សនៈវិស័យរបស់អ្នកបានជួយលើកទឹកចិត្តអ្នកឱ្យសម្រេចបានលទ្ធផលទាំងឡាយ?

Video (17 MB) Audio (2.2 MB) Transcript (PDF)

អំណាន៖ទម្លាប់ទី២៖ ចាប់ផ្តើមដោយមានការបញ្ចប់ក្នុងចិត្ត (១៥​ នាទី)

វីដេអូ៖ ទិដ្ឋភាពទូទៅទម្លាប់ទី២ (៥នាទី)

វីដេអូ៖ គុណតម្លៃស្នូល (១នាទី និង៣នាទី)

អំណាន៖ទម្លាប់ទី២៖ ចាប់ផ្តើមដោយមានការបញ្ចប់ក្នុងចិត្ត (១៥ នាទី)