វីដេអូ៖ ទម្លាប់ទី៤ គិតបែបឈ្ន៖-ឈ្នះ (១២នាទី)

វីដេអូបន្ទាប់ ដែលរៀបរាប់ដោយបណ្ឌិត Diem Nguyen ពិភាក្សាអំពីសិល្បៈនៃការចរចា និងសារៈសំខាន់នៃការបង្កើតកិច្ចព្រមព្រៀងដែលមានអត្ថប្រយោជន៍សម្រាប់អ្នកពាក់ព័ន្ធទាំងអស់។

ប្រសិនបើអ្នកមានបញ្ហាការទស្សនាមេរៀនបណ្តាលមកពីតំណភ្ជាប់អ៊ិនធើណេតយឺត សូមព្យាយាមទាញយកការបង្រៀន ឬបទបង្ហាញ។ ដោយចុចតំណភ្ជាប់នៅផ្នែកខាងស្តាំ និងជ្រើសរើស "Save Link as" ដើម្បីទាញយក។

Download (22MB) Slides (pdf) Audio (mp3)

បន្ទាប់ពីមើលការបង្រៀនខ្លីស្តីពីទម្លាប់ទី៤ សូមឆ្លុះបញ្ចាំងសំណួរខាងក្រោមនេះ៖

តើអ្នកអាចរំលឹកពីស្ថានភាពដែលអ្នកធ្លាប់មានបទពិសោធន៍ឈ្នះលើការចំណាយរបស់អ្នកណាម្នាក់ដែរឬទេ (នោះគឺ ពួកគេបានចាញ់)? តើវាមានអារម្មណ៍បែបណានៅពេលឈ្នះក្នុងស្ថានភាពបែបនោះ?
តើស្ថានភាពនេះត្រូវបានដោះស្រាយបែបណា ដើម្បីទទួលបានផលប្រយោជន៍កាន់តែប្រសើរសម្រាប់ភាគីទាំងពីរ?

អំណាន៖ ការចរចា (១០ នាទី)

សូមចំណាយពេលបន្តិចដើម្បីកំណត់ពីបញ្ញត្តិនៃការចរចា។ ការចរចា គឺជាដំណើរការនៃការដោះស្រាយបញ្ហា ឬការខ្វែងគំនិតគ្នា។ វាកើតឡើងនៅពេលដែលភាគីពីរ ឬច្រើនពិភាក្សាគ្នាដោយឈរលើមូលដ្ឋានស្ម័គ្រចិត្តដោយភាពផ្សេងៗគ្នារបស់ពួកគេ ហើយព្យាយាមដើម្បីឈានដល់ការព្រមព្រៀងតាមរបៀបមួយដែលមានភាពវិជ្ជមានសម្រាប់ភាគីទាំងពីរ។

អ្នកគ្រប់គ្រង និងអ្នកដឹកនាំ គឺពឹងផ្អែកលើការងាររបស់អ្នកដទៃ ហេតុដូច្នេះផលប្រយោជន៍ចម្បងរបស់ពួកគេ គឺតែងតែបង្កើតនូវបរិយាកាសមួយដែលអ្នកផ្សេងទៀតអាចល្អប្រសើរ មានផលិតភាព និងរីកចម្រើន។ នេះជារឿយៗតម្រូវឲ្យមានកម្រិតជំនាញជាក់លាក់ក្នុងការចរចា។

សូមអាន តើការចរចាជាអ្វី? ដើម្បីរៀនអំពីមូលដ្ឋានគ្រឹះនៃការចរចា និងបំណិនអន្តរបុគ្គលល្អ។

ប្រភេទនៃការចរចា

ការចរចាមានពីរប្រភេទគឺ៖

១. ការចរចាដោយផ្អែកលើគោលជំហរ៖ អ្វីដែលអ្នកនិយាយ អ្នកចង់បាន ឬត្រូវតែមាន។ ទាំងនេះ គឺផ្អែកលើការទាមទារ តម្រូវការ និងការតវ៉ា។ ការចរចាផ្អែកលើគោលជំហរ ជារឿយៗមិនផ្តល់ផលទេ។

២. ការចរចាដោយផ្អែកលើផលប្រយោជន៍៖ ការផ្តោតលើលទ្ធផលដែលអ្នកចង់បាន មិនត្រឹមតែទៅលើអ្វីដែលអ្នកចង់បានប៉ុណ្ណោះទេ ប៉ុន្តែលក្ខខណ្ឌ ឬលទ្ធផលដែលមានគុណភាពអ្នកទទួលនៅពេលបន្ទាប់។ ការចរចាដោយផ្អែកលើអត្ថប្រយោជន៍ ជារឿយៗទទួលបានផលល្អប្រសើរជាងការចរចាដែលផ្អែកតែលើគោលជំហរដែលបានដាក់ជាចំណុចចាប់ផ្តើម។

មានរឿងល្បីមួយទាក់ទងនឹងជម្លោះ និងការចរចាដែលពាក់ព័ន្ធនឹងមនុស្សពីរនាក់ដែលប្រកែកគ្នាថាតើអ្នកណាគួរតែទទួលបានក្រូចចុងក្រោយគេ។ រឿងខាងក្រោមនេះ បង្ហាញពីភាពខុសគ្នារវាងការចរចាដោយផ្អែកលើគោលជំហរ និងផលប្រយោជន៍។

សេណារីយ៉ូ

ពេលនោះ មានក្រូចតែមួយគត់ដែលនៅសល់នៅក្នុងផ្ទះបាយ ហើយចុងភៅពីរនាក់កំពុងដណ្តើមគ្នាចង់បានវា។

«ខ្ញុំត្រូវការក្រូចនេះ!»

«បាទ ប៉ុន្តែខ្ញុំក៏ត្រូវការក្រូចនេះដែរ!»

ពេលវេលាជិតអស់ហើយ ហើយអ្នកទាំងពីរត្រូវការក្រូចនោះ ដើម្បីបញ្ចប់មុខម្ហូបពិសេសរបស់ពួកគេសម្រាប់អាហារពេលល្ងាចដ៏សំខាន់មួយ។ ពួកគេបានសម្រេចចិត្តចំពោះការសម្របសម្រួលមួយ៖ ពួកគេបានយកកាំបិតធំមួយនៅក្នុងផ្ទះបាយ ហើយពុសក្រូចជាពាក់កណ្តាល។ ពួកគេម្នាក់ៗបានទៅជ្រុងម្ខាងរៀងៗខ្លួន ដើម្បីបញ្ចប់ការរៀបចំអាហារនោះ។

ក្រោយមក ចុងភៅទាំងពីរនាក់បានរកឃើញថាអ្នកទីមួយត្រូវច្របាច់ក្រូចដើម្បីធ្វើទឹកក្រូចហើយអ្នកទីពីរត្រូវការសំបកក្រូច។ ប្រសិនបើពួកគេបានឈប់ដើម្បីពិភាក្សាអំពីផលប្រយោជន៍របស់ពួកគេជាជាងការពារជំហររបស់ពួកគេ (ខ្ញុំចង់បានក្រូចនេះ) ជំនួសមកវិញពួកគេប្រហែលជាបានបក និងច្របាច់ក្រូចនោះ ហើយពួកគេទាំងពីរនឹងទទួលបានអ្វីទាំងអស់ដែលពួកគេត្រូវការ ជំនួសឱ្យផ្លែក្រូចកណ្តាល។

ផ្នែកសំខាន់នៃរឿងនេះ គឺជាភាពខុសគ្នារវាងគោលជំហរ និងផលប្រយោជន៍ (« ខ្ញុំចង់ដុតនំជាមួយសំបកក្រូច»ហើយ «ខ្ញុំចង់ធ្វើទឹកក្រូច») ។ គោលជំហរមួយ គឺជាអ្វីដែលអ្នកនិយាយថា អ្នកចង់បានដើម្បីបំពេញផលប្រយោជន៍របស់អ្នក។ ផលប្រយោជន៍របស់អ្នក គឺជាអ្វីដែលអ្នកត្រូវការពិតប្រាកដ។ ដូចដែលបានឃើញនៅក្នុងដ្យាក្រាមខាងក្រោមនេះ មានតំបន់មួយដែលមានផលប្រយោជន៍ និងតម្រូវការរួម ដែលជាកន្លែងដែលសិល្បៈនៃការចរចាកើតមានឡើង។

នៅក្នុងការចរចាមួយ វាជាការសំខាន់ណាស់ដែលអាចបែងចែករវាងគោលជំហរ និងអត្ថប្រយោជន៍ - ទាំងរបស់អ្នក និងទាំងរបស់ភាគីផ្សេងទៀត។ នៅក្នុងរឿងផ្លែក្រូចនេះ ចុងភៅផ្តោតតែលើគោលជំហរប៉ុណ្ណោះ (អ្វីដែលពួកគេចង់បាន) ជាជាងលើគោលជំហរ និងផលប្រយោជន៍ (ហេតុអ្វីបានជាពួកគេចង់បានអ្វីមួយ និងលទ្ធផលដែលពួកត្រូវការ)។

ចំណុចគន្លឹះ៖ វាពិតជាសំខាន់ណាស់ក្នុងការសួរខ្លួនឯង ថាហេតុអ្វីបានជាអ្នកចង់បានអ្វីដែលអ្នកត្រូវការ។ នេះនឹងជួយអ្នកឱ្យមានការយល់ដឹងបន្ថែមទៀអំពីលទ្ធផលដែលអ្នកត្រូវការ។ នេះគឺជាចំណុចចាប់ផ្តើមដ៏ល្អសម្រាប់ការចរចា។

សម្រួលពី៖ មូលដ្ឋានគ្រឹះនៃចរចារ

អំណាន៖ឥទ្ធិពលគ្មានគំរូអំណាចអជ្ញា (២នាទី)

ឥទ្ធិពលគ្មានគំរូអំណាចអជ្ញា ដែលយកចេញសៀវភៅ Cohen និង Bradford ដែលមានឈ្មោះដូចគ្នា រំលឹកយើងឱ្យពិចារណាពីគោលវិធីចំនួនប្រាំមួយនៅដែលស្វែងរកផលប្រយោជន៍រទៅវិញទៅមកនៅក្នុងទំនាក់ទំនងនៃការចរចា។

ទីមួយ សូមពិចារណាមនុស្សផ្សេងទៀតជាសម្ព័ន្ធមិត្ត។ អ្នកមិនមានអ្វីដែលត្រូវបាត់បង់ឡើយ និងអ្វីគ្រប់យ៉ាងដើម្បីទទួលបានមកវិញ។

ទីពីរ ត្រូវតែច្បាស់អំពីអ្វីដែលអ្នកចង់បាន។ សូមចូលទៅក្នុងការចរចាមួយដែលបង្ហាញយ៉ាងច្បាស់ អំពីអ្វីដែលអ្នកត្រូវការពីវា និងអ្វីដែលអ្នកមានបំណាងដើម្បីរស់នៅជាមួយវា។

ទីបី ត្រូវយល់ពីអ្វីដែលមនុស្សផ្សេងទៀតយកចិត្តទុកដាក់ និងផលប្រយោជន៍របស់ពួកគេ គឺអ្វី តើពិភពរបស់ពួកដូចម្តេចដែរ? ពួកគេកំពុងស្ថិតនៅក្រោមសម្ពាធអ្វី ការរំពឹងទុករបស់អ្នកផ្សេងទៀតគឺជាអ្វី។

ទីបួន សូមកំណត់ តើអ្វីមាន «តម្លៃជាមាសប្រាក់» សម្រាប់ពួកគេ - អ្វីដែលមានគុណតម្លៃសម្រាប់ពួកគេ។

ទីប្រាំ ចុះសម្រុងជាមួយមនុស្សនានា ដូច្នេះអ្នកនឹងកសាងមូលដ្ឋានគ្រឹះនៃការជឿទុកចិត្ត នៅពេលដែលអ្នកចូលរួមក្នុងការចរចាមួយ។

ចុងក្រោយ សូមគិតបន្ថែមអំពីការផ្តល់ និងយក - អ្វីដែលអ្នកអាចផ្តល់ឱ្យ និងអ្វីដែលអ្នកនឹងស្នើសុំត្រឡប់មកវិញ។

វីដេអូ៖ ការរក្សាពាក្យសន្យា

សូមទស្សនាវីដេអូខ្លីមួយដែលមានចំណងជើងថាការរក្សាពាក្យសន្យាជាមួយលោក Peter Kazembe (ម៉ាឡាវី) ។ នៅក្នុងវីដេអូនេះ លោកបណ្ឌិត Kazembe និយាយអំពីការអភិវឌ្ឍការគោរពតាមពេលវេលា។ ការគោរព និងការជឿទុកចិត្ត គឺជាគ្រឹះដ៏រឹងមាំសម្រាប់ស្វែងរកដំណោះស្រាយឈ្នះ-ឈ្នះ។

Download Transcript Audio (mp3)